Tu hun ciang in Zomite gamdang ah ki lim pai mahmah tek hi. A beisa kum 3 sung tawh etkak leng tu laitak kan in gamdang i pan hun om nailo ding hi. Tuama in tawm zaw kan ding hi. Tua ahih leh gamdang pai Zomite a ding in i lungngaih ding leh i ciin ding leh la paw khat om kha ding hi.
Gadang i pai ciang in mawk pai, cimphawng, sum nei in i zat na ding theilo a mawk pai cih bang om nailo phot hi. Zomi sung ah gamdang pai lak ah a ciah kik ding in a pai sang in a lem leh om suak ding, ahih kei leh pai suaksuak ding cih gamdang pai a tamzaw te' ngaihsutna hi ding hi. Khat veivei ciang in gamdang pai Zomi te ciahkik ding a lunggulhte in zong gamdang hong tung khin taktak le uh deih bang leh gal ngaihsut bang in ki ciah kik meng meng theilo in, lungsim leh veina om bang in ki kalsuan thei khinlo hi.
Zomi leh Zogam cih hilo in Zomi leh Gamdang cih thulu tawh nang ma ngaihsut dan leh nang ma tuahkhak thute bang hiam cih hong hawmsawn lecin Zomite a ding in manpha mahmah ding hi. Gamdang a omsa, gamdang mun dang khat ah a pai lailai ding te ahi a, ih gamsung ah om in gamdang a pai sawmlo leh, gamsung pan a lem hun ding ngak in gamdang a pai sawmte a ding in theih ding leh zuih ding ahi a, ngaihsut khol ding thu leh la tampi tak i minam a ding in kikum ciat ni.
Zomi leh Gamdang cih thulu tawh nang ma ngaihsutna tuamtuamte hong zom toto lai ni. Manpha in phattuamna tampi a om ding in lamen hi hangh.
No comments:
Post a Comment