Dear Lawmte,
Idea tuamtuam izakman in lungdam huai sa ingh.
Sim nop mahmah sa mai ingh. Bang hang hiam cih leh tu laitak i minam sung ah Refugee a thudonlo tawm mahmah ding hi. Refugee a thudonlo cih ciang in siauh ding a lunglutlote na tawm in Refugee siauh ding a lutlut a minam pihte tawh a kizop veve lai lam leh tua bang a a siau khin leh a siau lai ding ahi a, a siauh sawmlo ahi a, a siauh sawm loh hang nikhat ni ciang a siau kik veve thei ding cihte a kipan a tuamtuam muhdan leh sandan tuamtuamte i zak ciang zaknop mahmah mai hi.
Refugee issue icih leh a nuai a Sia TV Lian' gen Migrant issue tawh kizom hamtang hi.
Migrant issue igen leh labour/ work right cih bang zong kizom lai veve hi.
Refugee te in zong nasem in, a gee lote in zong nasem uh hi.
Tua ahih leh Siamna nei khat in a siamna dungzui in na a sep, a hun leh a hanciamna pen Malaysia, Singapore leh gam tuamtuam te in a ngah ding zah kilawm takpi lian mah in a pia hiam?
Refugee gen loh, Kawl kumpi gen loh Humans right om hi icihna Asia gamte ah en leng a diakdiak Kawlgam pan a pai nasem mite' sepna leh sep ziah te ah ngah ding zah in akilawm a ngahlo Zomi tampi om ding hi.
Refugee issue, migrant issue, nonimmigrant issue etc. pen Zomi te tawh aki pelh theihlo thu hi.
Ei lian in i lunglut kei a, i ki zom kha kei ding zong in a lunglut leh akizom i minam pih Zomite tawh omkhawm, nungta khawm ihih man in amau thupitsak khat zong en zong thupisa in sepzia, bawl zia leh dan tuamtuamte khat leh khat kigen, ki huh in kipanpih ding hoih mahmah ding hi.
Hong zom toto lai un.
Muhna tuamtuam leh akibanglo tuamtuamte tam sem sem leh zaknop sem sem kan lai hi.
Lungdam mahmah,
No comments:
Post a Comment