ZCF Khempeuh in By-Laws neih ding hoih kasak ban ah, ZCF khempeuh in Logo akibang ahih kei leh a kibang dektak nei ciat lai leh zong tampi tak hoih lai ding in ka ummawh hi.
Tua logo pen bang teng kigawm, bang logo hi ding hiam cih leh:
1. Zomi ihihna hong ki langsak, Zomi akilang sak (something that symbolizes Zomi).
2. Christian ihihna aki theisak (something that symbolizes Christian/ Christianity).
3. Fellowship cih a kilangsak.
-Fellowship icih ciang in Koinonia (Greek) pumkhat bang a, innkuankhat, bang a sepkhopna, ki lawmtat takpina, lungsim leh sepkhiatna ah ki thukhatna lahna cih ahih mah bang in sepkhopna/ kipawlkhopna hong ki langsak (something that symbolizes Unity/ Uniformity etc.) hi leh hoih lai ding hi.
A mun leh gam zui in a min zong ki bang khinlo thei ding hi.
Tua ciang Fellowship icih hang Fellowship cih min lah a pua tuanlo, Church min lah a puatuanlo zong om lai ding hi.
Gtn.
-ZIS (Zomi Innkuan Singapore)
-ZIP (Zomi Innkuan Philippines akici CZP)
-Tabernacle Zomi Fellowship (Malaysia) etc.
Pawl khatte Fellowship min lah pua tuanlo, Church min lah pua tuanlo napi Pawlpi paizia zong om kha mai thei ding hi.
Bang bang ahi zong in logo vai ah ahih leh tua logo kibang kim ban ah a omna gam uh a kilangsak a omna gam te symbol tawh zong gawm khop theih veve.
Tua hi in tua ZCF khempeuh kipawlna pi pen Zomi Christian Council, cih dan pian a ahi zong,ZCF khempeuh amal amal in kipawl hilo in, a vek a kigawm khawm kipawlna khat om henla, HQ bang nei leh zong sialua lo ding cih dan hi.
A tung a teng pen keima mimal muhna ahih mah bang in Fellowship leh Church kibanglo icih sam hangh in a picin theih na ding hanciam huai veve kasak man in hih thu teng hong sung kahi hi.
Zomi leh Khazih a ding in,
Tg. Sianpu
KL
===
No comments:
Post a Comment