Zomi Christian Fellowship Vs. By-Laws & Constitution

Zomi Christian Fellowship Vs. By-Laws & Constitution cih thulu tawh lai tawm ka gelh nuam hi.
Leitung mun tuamtuam ah Zomi ihih nakleh biakna neilo ki omlo phial a, tua sung ah a tamzaw pen Christian akicite kitam pen hi.

ZCF ci-in mun tuamtuam ah i nei a, ahih hang in well structured ZCF i nei nai kei hi ki leng kikhial lualo ding hi.
Cih ciang in a omsate khauhpai kei cihna hilo zaw in, tu a sang in akician zaw (a organize zaw deuh in) ki pai thei lai kha ding hi cih upna ahi hi.
Zomi Christian Fellowship icih ciang in tua Fellowship mailam (direction) a om loh phamawh hi.

ZCF om nailo ahih man in ZCF bawl ni, kilawm leh a om nailo kaht a om sak ding hoih hi cih ciang tawh ZCF i bawl leh bel tua ZCF kum 10 a val phial zong in a sepzawh ding zah leh a gah ding zah gah cing zolo kha thei ding hi. Cih ciang in kipawlna khat peuhpeuh; Biakna ahi a, Social, Politic ahi zong in kipawlna khat in tupna a neih ding kisam a, ngimna a om loh phamawh hi. Tuabang a om kei leh direction neilo leh omlo gunpi sung a gunkuang tawh kibang thei kha ding hi cih pen i theihsa ciat hi.

Tua ahih leh ZCF khat in By-Laws neih ding hoih a sak leh tua Biakna kipawlna i thkhun a omma in a nuai a kammal (3) telngaihsut ding zong thupi kha ding hi.
1. Zomi - Zomi icih bang ciang leh bang teng?
2. Christian- Christian icih bang teng ciang huam ding?
3. Fellowship- Hih kammal pen a thupi pen leh i ngaihsut pen ding in kisam kasak thu ahi hi.
Zomi tampi tak in Fellowship, Fellowship hi lel e, Fellowship hi ven cih paulap in ki makaih toto a, i mah ta leh tua a beisa a picingna te sang a picing zaw leh a muantak, suantak zaw ding in ki kalsuan to theilai cih phawk ding thupi ding hi.

-"Fellowship" cih kammal bang cih khiat, bang ci san ihiam cih tungtawn ZCF khat i mailam ding leh kalsuan zia ding tampi hong ki lamdang ding hi.

"ZCF in By-Laws nei ding" cih kammal i gen ciang in ZCF i Doctrine ding cihna hi lo cih zong i telcian ding kisam ding hi.
ZCF member tuamtuam a tamzaw in Fellowship khat ahih leh By-laws nei theilo ding, or kituaklo ding or lem theilo ding cih ngaihsutsa in anei uh ahi hi.
A tatak in By-Laws icih leh Doctrine icih pen aki batloh lam i tel nak leh Fellowship khat in i zuih ding, lam hong lak ding Guide/ Big Book icih By-Laws om kei leh
bang cih bang in picing tak in kalsuan zo ding cih pen a ngaihsut hak mahmah thu ahi hi.

Tua ahih man in By-Laws neiding, bawlding cih ciang in Doctine bu bawl ding cih hi zenzenlo hi. Tua ahih man in Kipawlna khat peuhpeuh, ZCF a kipan picing tak in saupi, picing tak in a kalsuan ding i deih leh By-Laws i neihloh a phamawh ahi hi.

By-Laws nei leng a deih cing pah ding maw leh?
-By-Laws i nei a, Constitution tuamtuam i nei zong in i zuih kei leh ki lamdanna tam khollo ding hi. Tua ahih man in i neih ding akisap ban ah, i zuih ding zong thupi zaw lai hi.


By-Laws icih in Doctrine hilo ahih man in picing na ding in akisam, a om loh phamawh khat ahi hi. A tom in gen leng "Manual" dan zong ahi hi. Van khat i lei ciang in bang cih thuah ding, bang cih zat ding, bang ci kap ding cih "Guide" manual ahi a, By-Laws icih zong tuadan mah ahi hi. Lau ding leh By-Laws omlo in zong tu ciang i lawhcing khin ve cih ding lam a leh lak dinghilo zaw in, By-Laws lotawh tu a zah lawhcing ihih leh, nei lai leng bang zah in kician (organize) zaw lai ding hiam cih ding ahi hi.

Lam khat pan By-Laws a om kei leh i kipawlna pen thu a sim ding zong hi kei ci a tuat ding zong lah ahi khin sam kei hi.

Kipawlna khat picing in mite muan leh suan ding a diakdiak Zomilo (NGO, Pawlpi dangte) tawh i kizop nop leh By-Laws nei ding akisam mahmah ahi hi.
Mite' hong muanna zong khang a, zong ki mazang zaw tham hi.

Kipawlna, Kipawlkhawm in sepna, Kipawl in Sepkhopna, Kipawlkhawm in sepkhopna ahih man in a diakdiak Fellowship-te ah By-Laws beek i neih kei leh Lai Siangtho lah version tuamtuam, akibanglo zong a zang om ding ihih man in i lawhtak ding, i zuih ding pen By-Laws bek mah a om ding kisam hi.

Ka gen noppi ah bel: "Fellowship" khat hi "Lel" ahih man in By-Laws neihding/ zatding lemlo hi cih mipi pawlkhat i muh khialhna pen Zomi sung ah a om loh na ding hipi pen hi.

I neih loh zong tu a zah ihih leh, nei lai leng ki picing zaw lai ding hi cih deihsakna tawh,

Leitungbup a om Zomi Christian kipawlna tuamtuam te ah By-Laws neih ding a lunggulh leh tua kipawlna tuamtuamte a gam zui in kibang khinlo ding hi mah ta leh, a thu guipi pawl khat akibang in Uniform dan in zat theih leh zong hoih kasa toto lai hi.

Zomi leh Khazih a ding,

Taang Sianpu
KL