Numeite laptoh kul hi (empowering women)

To be practical about Empowerment of women:

1. It should first begin from home (every household) i.e, Wife, Daughter

2. It should begin from every church/ organization by including them in the Executive Committee (EC), the decision making body

3. Education of girls should be a priority

4. Creating office jobs for women in the industry (by companies and governments)-

...

5. Numeite (naupang, khangno leh zi te) anbuk ah anhuan leh puansuawp ciang bek tawh hun hong bei thapai le uh bang mah dang sem theilo ding uh a, amau leh amau zong, amau value, amau numei hihna pen anhuanbuk (kitchen & laundry) ciang bek ah kimu thei hi (practice in tua bek a tam luat leh).

Tua ahih man in anhuan buk leh tubuk lam, inphiatna leh naukem bek in hun a thei theihloh nading un pasalte in (sanggam pasa, nau leh u, pasal) te in amau nasep i dawn kul, i huh kul hi. Tua hi leh nadang hong sem thei duh uh, hong sem man ding uh a, lungsim suahtakna hong nei zawdeuh ding uh hi (beyond house works).

6. Suahtakna (space) i piak kul hi:
Suahtakna pia cih ciang khat veivei pasalte in, innkuan pihte in i numeite i uk cip luat ciang, inn bek ah i ngak sak ciang in a lungsim uh thongtang cip bang in, zong thu mu lo, khuamu khialo thei uh a, a muhna uh zong tangzailo in, effect pen a innkuan pihteng mah, a pasal leh tate mah in thuak kik hi.

7. Innpua lam ah nasep kipan sak ding:
Innsung nasep teng a sep ding pen Zomi sung diakdiak ah numeite' mawhpuak dan i ki ngaihsun thei hi. Ahih naciang zong om a, ahi zong in a tung a i gensa mahbang in innsung nasep bek tawh hong buai uh ciang in na dang a sem nuam uh zong in sem mannawnlo uh ahih man un amau leh amau a khantohna ding leh a thumuh nading uh (self development) zekai in, lampi omlo thei hi.

Amau a pualam ah na hong sep theih nading un i tate day care centre (mukyu sang ah) i koih kul a, sum a kicing ding khop i zon sak zawh ding pasalte' mawhuak ahi leuleu hi. Puansawp leh anhuan bek tawh hun hong bei loh nading un inn ah puansawpna set, a pualam ah puan sawpna ahih kei leh ei (pasal te) mahmah in puan sawp pih in huh ding kisam a, inn nasep a tawm theithei ding in puan taih a kipan huh ding or sai ah puak ding zong kisam thei hi. Tua ding in i vaihawm pih ding pasalte mawhpuak ahi hi.

8. Zomi numei a tamzaw pen a pasalte' tung ah kinga cip hi. Pasalte muan leh suan pen ding a thupi ahi hi. Ahi zong in pasalte tung ah kinga lua zaw in amau bek a om hun ciang inn leh lo vai bang mah vaihawm theilo, van zoo cih zong om thei hi (over dependence). Numeite in a pualam ah nasep silbawl, sumzon paai zon theihna a neih theih ding thupi hi. Tua pen "women empowerment" i bawna nam khat hi pah hi.

A zenzen in a siapen ding in ngaihsun leng, a pasal in thakhat thu in sihsanna khat nei leh tua nupinu in a tano teng tawh a nuntak, a sum zonna a neih theih suak ding, amau leh amau akivak zawh ding thupi hi. Tua pen a hun a tun ciang kisin pan pen zekai a, nasem theisa, a mah leh amah a nungta theisa khat ahih ding kisam hi. Tha khat thu in a meigong nupi khat Zogam ah nungta thei maitak ding hi, ahi zong in nasep silbawlna gamdang ah baih lo thei ding hi. Insurance khong hoih tak in nei kei lai leh nak buai mahmah ding hi.

Tua ahih man in numeite thapiak ding, laptoh ding, mun piak ding pen amau in a lunggulh nading, hong hanciam nop nading leh hanciam theihna hong neih nading un pasalte in mun i piak kul a, hun i bawl sak kul hi. Ahi zong in Pasalte' hanciam pih bek tawh hong hitheilo ding a, numei leh pasal mah in lung kituak, lungkihual in hanciam khop ding thu ahi hi