Zomi sung ah Biakna leh Politics

Zomi sung ah Biakna leh Politics

Pastor te leh Pasian' nasemte in Zomi it in, vei ciat uh hi. Zomi lo te zong itna nei veve uh hi. Zomi pastor te in politics hong uk luat ding a lungngaih huai hi zaw tham hi. Bang hang hiam cih leh Pastor te in mipi' huzaapna pen politician te sang in lian zaw tham hi.

Pastors & preachers have more influence on people than politicians. Therefore, pastors should not go too much in politics or else, our politicians will loose their credentials...

Pastor te in politics hong uk lua le uh gam nasemte in a mun uh taan lawh zo thei ding ahih man in gam vai hong ki nak hel lua ding hoih khinlo thei hi.



Pastor te pen lai sim, lai sin thu theite uh hi. Thugen zong sim in, mipi' lungsim zong zo zaw uh hi. Kum tampi mah lai sin uh a, Biakna vai, history vai, LST sung politics leh biakna vai etc. kum tampi a sinte uh hi.

Zomi politics a uk icih teng, tu ciangciang kum tampi a sin ki omlo a, uk ciang leh sep bek mah hi. Experience ciang bek mah hi. Politics vai lai a sin tangtang a om loh ban ah, LST lam or Pasian' thulam zong a sin tu ciangciang i theihna ah akihel om nailo hi.

Pastor te in politics, ethnics, sociology, philosophy, theology, region etc. a sin ban ah, mipi tawh kizopna, mipi lak thugenna leh mipi lungsim zawhna kum tampi experience in nei uh hi.

Zomi politics a uk te, a semte in Pasian thu ahi a, Politics hi ta leh lai tawh sin tangtang cih bang ki omo zaw hi (Kawlgam lam a te pha diak). Tua ahih man in amuhna uh to zaw tham a, internet experience a neih loh zawk ban ah, party lungsim, singlness nei den in huam zolo thei a, lunsim ngaihsutna tangzai lo thei hi.

Tua ahih man in politics i khantoh ding i deih leh Pastor te in politician te a panpih, a thuhilh, a gen pih, a backup ding kisam hi. Tua ahih kei leh Zomi politics pen tu laitak dinmun tawh ki gualzo pako thei kha ding hi.

Gam vai icih ciang in Kiukna (government) ahi hi. Kiukna vai pen leitungbup democracy hong tam kizatna icih ahi US te natawm zong Lai Siangtho mah a bulphuh hi uh a, Obama hong kah ciang in tuate hong nilkhiat sawm ciang in amah akai deih nawnlo, tampi mah in, a diakdiak Tapidaw (Christian) te in a lungkimlo uh ahi hi. Abortion, gay marriage, lesbian etc. tuamtuam thapia cih pen nidang a Bush i ki teel pih ahi El Gore? dan ahi hi.

Democratic principal leh Dimocratic governmance hong kipatna tatak pen Eden huang sung ah Pasian' in Adam leh Eve tung ah "sia leh pha teel theih na" (FREE WILL OR FREEDOM OF CHOICE)" pan hong kipan masa hi cih keima mimal sandan hi.

Tua hi in Pasian' a bulphuh lo zah dong in a pilllua Zomi lak ah ki om nailo a (tu ciangciang), tu laitak gamdang mun tuamtuam ah kitung in, nasep silbawl, pilna leh siamna i neih sunsun teng zong a bulpi ngaihsun leng Pasian' hang bek mah cih i manhilh loh ding kisam hi. Ei leh ei kimuang baih lua in, ki hisak baih lua ka leng, bangmah ihih loh lam i ki theih ciang, mite in bang mah ihih loh lam hong theih uh cianghogn maizum huai zaw ding hi.

Thu ngaihsun thei pawl khat in POLITICS IS A DIRTY GAME naci lela sam uh hi. Dirty cih zong bel thu khat ven ah, GAME acih bel thukim pih ingh. Game bang ci kimawl, puzzle bang ci khin cihte pen a mimal mahmah a muanhuai ding thupi hi. Pasian' a zahtak te in mipi a makaih leh a a theih loh man bek hi ding a, khem bawl ngeilo ding hi. Pasian' maitang etna tawh. Ahi zong in politicians te in ahih leuleu leh mipi Pasian' bulphuh masa lo in, mipi' lungkim ding hanciam a, mipi' deihna nam nih or nam nih sang a tamzaw in hong kikhken ciang in buai thei uh a, a cih nading uh om lo thei hi.

Tua ban ah politics icih pen GAME ahih lam pen i sang siam a, i sang siam kei zong in ama hihna khat ahi hi. Tampi genlo in etkakna khat nung kum lam a i tuah sung pan en pak leng ah:

November 2010 ma, Kawlgam sung kum 20 sung Election khat vei akibawlna sung ah election ding pen Sunday bawl ding cih thu hong ging hi. Sunday ahih leh Pasian' biakinn pan pialkhia liang in, kikhawm lo liang in, Pasian' thei nawnlo maw etc. tawh a gen tampi tak om hi. Tua a gen teng pen biakinn khat vei zong akikhawm ngeilo teng hi sawnsawn citciat hi.

Tua leh Noverber 13(?), 2010 in Aung San Su Kyi thong sung pan hong ki khahkhia a, tua pen Saturday nitak lam ahi hi. Khua zan ta ahih teh press release leh Sunday in NLD zumpi, Shwe Gone Dine ah bawlding acih ciang in a zing ciang a maigual lam ah nipini kikhawm lo liang in a tutna kituh lak ah, nung a Sunday kikhawmlo liang a election lut ding maw... acici teng na om masa pen uh hi. Cih nopna ah tua teng pen politics aki uk sak teng, uk akisa teng, a vei akisa teng ahi uh hi. Tu lai kampau leh "zuau thu leh khemna vive tawh akilawmsakna bek a politics vei akineih uh nahi gige hi..."

Kawlgam sung politics vai ah politic deih tak in a sin ngekngek, displined learning a nei tu ciang ki omlo ci leng ki nak khialh lua lo ding hi. Experience vive bek mah hi lai phot hi. Ahi zong ni biakna makaite, biakna siate ahih leh ki makaihzia, kiukzia, kiukna vaite ah kum tampi sung discipline tawh Bachelor, Master, Doctrate cih bang sin ngekngek in, lai sim ngekngek in experiece leh lai simna tawh kop khawm ahih man in i biana makaite in mipi' lungsim zo zaw in, knowledge nei zaw pah uh a, a sep a bawlna uh mipi in ki thapia zaw pah uh hi.

A beisa hun sung ah veina bek tawh na kisem thei hi mah ta leh, tuhun leh mailam hun ah veina pong tawh khua kisuak zo nawnlo ding a, sinna leh veina a kigawm kul a, theihna leh sepna i kop khop a kul ahi hi.